Таны хандив илүү олон өрхүүд иж бүрэн нарны халаалтын системтэй болоход бодит дэмжлэг үзүүлнэ. Төсөлд хамрагдсан өрхүүдийн нүүрсний хэрэглээ багасаж, дулааны хуримтлууртай цахилгаан халаагуур хэрэглэснээрээ эрүүл, тав тухтай орчинд амьдрах боломжийг бүрдүүлэх давуу талтай.

3,500 ам.долларын өртөг бүхий иж бүрэн нарны халаалтын системд доорх бүрэлдэхүүн хэсэг, үйлчилгээ багтана:

• Гэрийн дулаалга (Хаалга, тооно, хаяавч)
• Дулааны хуримтлуулттай цахилгаан халаагуур
• Ухаалаг хэмжигч: Нарны халаалтын систем ашигласнаар агаарт нэвтрэх нүүрстөрөгчийн давхар ислийн ялгарлыг хэмнэж чадах бөгөөд энэхүү машин сургалтын төхөөрөмжийн тусламжтайгаар нүүрстөрөгчийн давхар ислийн ялгарлын хэмнэлтийг хянах боломжтой
• Нарны хавтан
• Тээвэрлэлт
• Суурилуулалт
• 2 жилийн даатгал

Таны хандив Улаанбаатар хотын гэр хороолол дахь зорилгот өрхүүд иж бүрэн нарны халаалтын системтэй болоход зарцуулагдана

НҮБ-ын Хөгжлийн Хөтөлбөр (НҮБХХ) нь ядуурлыг арилгах , тэгш бус байдал, ялгаварлан гадуурхалтыг бууруулах, улс орнуудад хөгжлийн үр дүнгээ тогтвортой хадгалахад шаардлагтай чадамжийг бий болгох чиглэлээр дэлхийн 170 орчим улс орон, нутаг дэвсгэрт ажилладаг. НҮБХХ нь 1976 онд Монгол Улсад үйл ажиллагаа явуулж эхэлсэн бөгөөд өдгөө сайн засаглал, уур амьсгалын өөрчлөлтөд тэсвэртэй байдал, байгалийн нөөцийн менежмент гэсэн гурван үндсэн чиглэлээр ажиллаж байна.